Hay! Grabe na jud kaisog ug ka walay batasan ang mga tao karong panahuna labina ang mga taong nagapaluyo aning mga rebeldeng grupo nang New Peoples’ Army. Dili man sa kontra ko kung unsa man ang ilang ginatoohan nga tama, apan, lahi na jud ang ilahang tirada karon. Lahi na jud kaayo. Dili na nako makita kung unsa pa ilahang rason sa pagrebelde ug pagbatok sa atong gobyerno kung apil na ang mga inosenteng tao ila nang gi-aghat pagpaapil sa ilang grupo.
Makapahinoktok ang litrato. Makapahinoktok tungod karon pa nako nasuta nga dili na diay prinsipyo ang ginapangita karon sa grupong gituohan nako atong una na naay dakong baruganan ug prinsipyo. Ang prinsipyo ug baruganan nga mao unta’y pinaka importanteng rekisito sa ilang mga myembro nahulipan na sa “18 anyos ug himsog nga panglawas.”
Makaluya ug makapakyas huna-hunaon. Sukad sa akong pagkabata, dili man sa uyon ko sa ilang pagpamatay sa ilang mga gi-ilang kalaban, dako akong respeto kanila ug gilantaw nako sila na maoy usa sa makatabang aning nasod makab-ot ang kalambuan. Apan, dili di ay!
Ang ilahang pagpangaghat karon sa ilang kalihukan, gipakita lang nila kung unsa na sila ka walay klaro ug ka walay baruganan ang grupong nanghambog na manalipod sa mga kabos, dinaug-daug ug gi biay-biay. Pinaagi aning litrato, ilahang gipalig-on ang mga pangagpas sa uban nga sila nga grupo dili uyon ug kalambuan ug mangdamay ug inosenteng kinabuhi alang sa ilang binuang nga pakigbisog.
Lisod man palandungon ug hunahunaon, apan sigurado gayod ako nga aduna nay mga inosenteng nailad aning grupuha. Lisod man dawaton, apan sigurado ako nga adunay nay nangamatay’ng inosenteng tao sa pagpanalipod sa ilang gituohang tama ug tarong.
Unta ang mga taong nakakita aning litrato, maghinuklog una sila modesisyon nga mokuyog aning mga tawhana.
Unta, makahinuklog ang mga taong nagpaluyo, nagsuporta ug mismong mga taong naglihok sa armadong pakigbisog nga kung dili man nila kaya undangon ang ilang mga kabuang, apan undangon na nag ilang pagdamay sa kinabuhi sa mga inosenteng tao.
Lisod man palandungon ug hunahunaon, apan sigurado gayod ako nga aduna nay mga inosenteng nailad aning grupuha. Lisod man dawaton, apan sigurado ako nga adunay nay nangamatay’ng inosenteng tao sa pagpanalipod sa ilang gituohang tama ug tarong.
Unta ang mga taong nakakita aning litrato, maghinuklog una sila modesisyon nga mokuyog aning mga tawhana.
Unta, makahinuklog ang mga taong nagpaluyo, nagsuporta ug mismong mga taong naglihok sa armadong pakigbisog nga kung dili man nila kaya undangon ang ilang mga kabuang, apan undangon na nag ilang pagdamay sa kinabuhi sa mga inosenteng tao.
No comments:
Post a Comment